Eth plan de formacion Ara Lhèida 2021 met ara tua disposicion corsi en linha adreçadi ath sector toristic public e privat deth Pirenèu e es Tèrres de Lhèida. Es corsi de formacion son gratuïts e non an data limit d’inici o finau entara sua realizacion, de manèra que se pòden hèr damb flexibilitat orària.

Un des principau èishi dera formacion ei era sostenibilitat, damb er objectiu qu’es productes e es servicis que s’aufrisquen as nòsti visitants non rèsten eth benèster deth planèta e era sua poblacion, creant atau valors mediambientaus, sociaus e economics.

Aguesti corsi online son ua excellenta oportunitat entà renauir coneishements e èster ath dia sus es nauetats en çò que tanh ath concèpte dera sostenibilitat ena aufèrta des productes e servicis que se vòlen aufrir as toristes e visitants. Es corsi restacadi damb era sostenibilitat son:

• Coma trigar e rentabilizar es sagèths e sistèmes de sostenibilitat en torisme
• Proposit de marca, coma definir-lo
• Coma convertir era tua entrepresa toristica en un negòci durable e responsable
• Cors entara implementacion des 17 ODS en territòri
• Aplicacion practica dera economia circulara ara entrepresa entà gésser dera crisi
• Es claus deth negòci sostenible
• Comunicacion efectiva deth torisme durable e responsable
• Sinèrgia entrepresariau e trabalh en equip dempús dera COVID-19

Completa era formacion des corsi ací: https://www.aralleida.cat/formacio/pla-de-formacio-online/ e inscriu-te-i!