Presentacion deth nau Plan de Formacion “Ara Lleida” 2021 restacat ath desvolopament durable e ara transformacion digitau e adreçat ath sector toristic dera demarcacion. T’interèsse? Inscriu-t’i ara!
Eth Patronat de Torisme de Lleida qu’a presentat eth nau Plan de Formacion "Ara Lleida" tad aguest 2021 que constarà de 30 sessions en linha e 9 webinars destinadi ath sector toristic public e privat dera demarcacion. Era formacion, gratuïta, tracte sus eth desvolopament durable e transformacion digitau.
Er objectiu deth Plan de Formacion tad aguest 2021 qu’ei milhorar era competitivitat e era capacitat d'adaptacion as cambis deth mercat, auent tostemps coma referéncia un modèl durable. Ath delà, aguest plan de formacion incorpòre un modèl d'organizacion toristica centrat e comprometut damb eth mèdi ambient e era societat damb er objectiu de milhorar eth benestar deth planeta e era sua poblacion creant valor mediambientau, sociau e economic.
S’ès ua empresa e entitat toristica t’aufrim aguest plan de formacion gratuït:
- 30 sessions formatives digitaus sus desvolopament durable e transformacion digitau. Aguesti corsi son en linha e gratuïts e son adreçadi a tot eth personau deth sector public e privat toristic dera demarcacion. Era formacion non a data de començament e fin, atau er/a usatgèr/a les pòt hèr quan desire. Mès informacion e inscripcions: https://www.aralleida.cat/formacio/pla-de-formacio-online
- Un programa sus Transformacion Digitau mejançant era celebracion de 9 webinars de 2h formatives cada un. Mès informacion e inscripcions: https://www.aralleida.cat/formacio/pla-de-transformacio-digital
Eth prumèr des webinars, hèt aguest passat 18 de mai, tractèc sus era aplicacion practica deth desvolopament durable e compdèc damb eth raportaire e expèrt en innovacion, Jimmy Pons. En aguest prumèr webinar s’inscriueren 50 empreses e entitats toristiques.
Ja hè mès de 10 ans qu’eth Patronat de Torisme aufrís corsi de formacion gratuïta as representants deth sector toristic dera demarcacion e aguesta iniciativa qu’a estat un des punts que s’a avalorat entara obtencion dera Certificacion "Biosphere Destination" entath Pirenèu e es Tèrres de Lleida.