Eth Pirenèu e es Tèrres de Lleida an obtengut era certificacion “Biosphere Destination” coma destinacion toristica responsabla e durabla dempús de superar era auditoria extèrna que verifique eth compliment des formalitats estandard “Biosphere”. Eth sagèth, adscrit ath Global Sustainable Tourism Council (GSTC) dera UNESCO, qu’autrege er Instituto de Turismo Responsable (ITR) ei considerat coma ua des certificacions mès reconeishudes en domeni deth desvolopament durable e era certificacion a estat impulsada peth Patronat de Torisme dera Deputacion de Lleida.

Aguesta reconeishença refortís eth compromís damb eth modèl de torisme responsable que presente eth Plan Estratègia deth Pirenèu e es Tèrres de Lleida 2019-2022, impulsat peth Patronat de Torisme, que fomente un modèl de gestion de torisme durable que trabalhe pes valors de desvolopament durable sociau, economic e ambientau. Aguest sagèth posicionarà e darà visibilitat internacionau ath Pirenèu e es Tèrres de Lleida coma destinacion toristica durabla.

Eth Patronat de Torisme, ath delà d’impulsar es trabalhs de certificacion “Biosphere” entà tot eth Pirenèu e es Tèrres de Lleida, tanben a aufrit a totes es empreses e institucions toristiques dera destinacion, ua airina digitau naua tà crear eth sòn plan de desvolopament durable gratuït en collaboracion damb er Intituto de Turismo Responsable.

Se te vòs híger ath projècte, en aguest ligam trobaràs tota era informacion.