Notícies
Les primeres empreses de la demarcació de Lleida reben la certificació Biosphere

Es prumères empreses dera demarcacion de Lleida receben era certificacion Biosphere

Divendres, abril 30, 2021

Era casa rurau Torre del Codina e era empresa de torisme actiu Roc Roi son es dues prumères empreses deth Pirenèu e es Tèrres de Lleida que ja an artenhut era certificacion Biosphere.

Eth Patronat de Torisme trabalhè tà impulsar era elaboracion de plans de sostenibilitat digitaus mejançant era certificacion "Biosphere" entà totes es empreses e collectivitats toristiques deth Pirenèu e Tèrres de Lleida.

Es plans de sostenibilitat se desvolopen a trauès d’ua plataforma, "Biosphere Sustainable Lifestyle", qu’ajude as empreses e entitats toristiques a amiar a tèrme plans de desvolopament durable personalizadi mejançant era seleccion de mès de 400 activitats e accions durables. Que son accions e activitats concretes e tangibles que faciliten eth seguiment deth camin deth desvolopament durable entàs empreses e entitats toristiques.

Era adesion ath projècte ei gratuïta e se pòt hèr ath 100% en linha. Actuaument, ues 80 empreses an començat eth procès d'evaluacion e auditoria tà obtier era certificacion "Biosphere Sustanaible Lifestyle" entàs sòns establiments e servicis toristics.

Enquiath moment, dues empreses dera demarcacion de Lleida an artenhut era certificacion:

Roc Roi Rafting

Eth Patronat de Torisme impulse aguest projècte de manèra gratuïta, e a trauès der Instituto de Turismo Responsable (ITR), entà arténher er objectiu de vier, damb eth temps e de manèra integrau, ua destinacion durabla que permete amiar a tèrme activitats tà milhorar eth desvolopament durable e ath madeish temps posicionar eth Pirenèu e es Tèrres de Lleida a escala nacionau e internacionau.

Se te vòs aderir ath projècte, en aguest ligam trobaràs tota era informacion.