Ja son 94 es entrepreses dera demarcacion que s’an aderit ath projècte “Biosphere Destination”, 25 des quaus an obtengut eth reconeishement deth sòn compromís; 5 ja s’an certificat
Eth passat mes de mai, eth Pirenèu e es Tèrres de Lhèida obtengueren era certificacion “Biosphere Destination” coma destinacion toristica responsabla. Aguest sagèth, adscrit ath Global Sustainable Tourism Council (GSTC) dera UNESCO qu’autrege er Institut de Torisme Responsable (ITR), ei considerat com ua des certificacions mès reconeishudes en sector dera sostenibilitat e era certificacion a estat impulsada peth Patronat de Torisme dera Deputacion de Lhèida.
Era certificacion “Biosphere” s’a hèt extensiua as entrepreses e entitats toristiques deth Pirenèu e des Tèrres de Lhèida damb er objectiu que se comprometen a trauès d’un plan de Sostenibilitat e poguen obtier eth reconeishement Biosphere Sustanaible LifeStyle.
Actuauments 94 entrepreses e entitats toristiques dera demarcacion de Lhèida son aderides ath projècte, des quaus 25 an obtengut eth reconeishement deth sòn compromís damb era sostenibilitat e 5 entrepreses ja an obtengut era certificacion Biosphere Sustanaible LifeStyle:
- Aigüestortes Càmping Resort en Esterri d’Àneu
- Nou Càmping ena Guingueta d’Àneu
- Era entrepresa d’activitats d’aventura, Roc Roi Adventure Center en Llavorsí
- Er alotjament rurau, La Torre del Codina
- Agéncia receptiva, Tu i Lleida en Os de Balaguer
Se te vòs aderir ath projècte, en aguest ligam trobaràs tota era informacion.
