Eth Patronat de Torisme dera Deputacion de Lleida trabalhe tà qu’era destinacion toristica dera demarcacion de Lleida sigue mès durabla e tà poder facilitar as empreses deth sector, damb era collaboracion der Institut de Turisme Responsable (ITR), airines qu’artenhen aguest objectiu.

E tà hè’c possible, eth passat 2 de març presentèrem era plataforma Biosphere Sustainable Lifestyle (BSL) amassa damb er Institut de Turisme Responsable (ITR) e adreçada ath sector toristic deth Pirenèu e es Tèrres de Lleida.

QUÉ EI ETH BIOSPHERE SUSTAINABLE LIFESTYLE?
Biosphere Sustainable Lifestyle ei un sistèma revolucionari qu’indique eth nivèu reau de desvolopament durable de tota empresa o entitat toristica, implique as emplegats e connècte damb es clients o visitaires dera destinacion:

Biosphere Sustainable LifeStyle del turismo from Biosphere on Vimeo.

A QUI VA ADREÇADA AGUESTA INICIATIVA?
As empreses e collectivitats toristiques deth Pirenèu e es Tèrres de Lleida.

COMA POGUI HÈR ETH MÈN PLAN DE DESVOLOPAMENT DURABLE?
Eth tòn Plan de Desvolopament Durable personalizat lo poiràs gestionar a trauès d'ua plataforma digitau de bon utilizar. Reconeish eth tòn compromís e demòstra era tua milhora diària tà obtier era certificacion Biosphere, un sagèth qu’ei restacat damb es 17 Objectius de Desvolopament Toristic (ODS) promulgadi pes Nacions Unides.

QUIN CÒST A AGUEST PLAN DE DESVOLOPAMENT DURABLE E ERA CERTIFICACION?
Era adesion ara plataforma ei GRATUÏTA pendent un periòde de dus ans. Es empreses e collectivitats toristiques dera demarcacion de Lleida se poiràn aderir e beneficiar-se deth compromís Biosphere, damb era obtencion dera certificacion se complissen damb es objectius. Era auditoria tà obtier aguesta certificacion qu’ei gratuïta ath long d’aguesti dus ans.

QUINI BENEFICIS APÒRTE ERA CERTIFICACION?
- Aumentar er estauvi economic gràcies ara eficiéncia energetica e idrica.
- Aparéisher coma entitats certificades Biosphere enes principaus OTAS, coma Booking, Agoda, Hotelbeds, Ecohotels e, lèu, Trivago.
- Auer un perfiu e reconeishença, includits ua placa, un còdi QR, preséncia en web, etc., e entrar enes canaus de comunicacion e promocion de Biosphere e es sues destinacions, entre d'auti.

QUÉ ME CAU HÈR?
As d’anar tara plana web LLEIDA| Biosphere Sustainable Lifestyle e inscriuer-te. En moment de crear eth perfiu dera empresa o entitat toristica, cau introdusir aguest còdi: "Lleida2030".

E S’È BÈTH DOBTE?
S’as bèra qüestion o comentari sus era plataforma BSL, non dobtes en contactar damb info@biospheresustainable.com e mcruz@biospheretourism.com e te responeram tanlèu que pogam.

NON PODÍ ANAR TARA PRESENTACION DETH PROJÈCTE
En aguest ligam poiràs veir era session deth dia 2 de març de 2021.