Patronat de Turisme de la Diputació de Lleida a editat digitaument era naua Agenda d’Activitats de Tardor 2025, qu’a per tòca difóner e hèr a conéisher es prepauses esportives, culturaus e gastronomiques mès destacades qu’empliràn d’activitats aguesti mesi d’octobre, noveme e deseme eth Pirenèu e es Tèrres de Lhèida.

Era naua edicion dera agenda recuelh detzees de prepauses de tota sòrta, manifestacions que van a compdar des activitats esportives e de torisme actiu as accions culturaus e artistiques. Tanben i trapam nombrosi eveniments heiraus que se celèbren pendent aguesta epòca der an ena demarcacion e activitats de caractèr tradicionau o de recreacion istorica, e tanben activitats de natura gastronomica.

Era operativa entà utilizar era guida digitau ei fòrça facila, per çò qu’er usatgèr pòt cercar e filtrar es activitats per comarques o ben pera tipologia de cada eveniment: cultura, hèstes e hèires, gastronomia, natura, torisme actiu e torisme familhau.

Es activitats se resumissen damb ua explicacion brèva e van acompanhades d’ua fotografia allusiva, un telefon de contacte e ua pagina web. Tanben se mòstre eth plaçament dera localitat a on se desvolòpe er eveniment en un mapa dera demarcacion de Lhèida. Ath delà, cau díder que toti es eveniments se pòden consultar en quate lengües: catalan, castelhan, francés e anglés. 

Podetz consultar era Guida d’Activitats ací. (www.guiaactivitats.aralleida.cat)