Eth Conselh Comarcau de Garrigues a metut en marcha era naua Rota deth Modernisme en Garrigues, ua prepausa culturau que met en valor eth patrimòni arquitectonic modernista dera comarca. Ath delà, eth nau recorrut culturau –que se presentèc eth passat mes de junhsèga en Musèu der Òli dera Cooperativa de La Granadella– cale eth visitaire en ua etapa clau dera istòria sociau e economica dera comarca, per çò qu’es bastiments modernistes que s’i includissen corresponen a un moment d’esplendor que viuec eth territòri.

Ath long dera rota i trobam bastisses emblematiques de caractèr agricòla, educatiu o municipau, bastidi tà començaments deth sègle XX, qu’an jogat un ròtle fondamentau en desvolopament dera vida de Garrigues. Concrètament se pòden veir era Casa dera Vila d’Arbeca, Cal Blanco de Vinaixa, er Ajuntament de Cervià de les Garrigues, es cooperatives de Sant Antoni Abat de la Granadella, era d’El Soleràs, era de L’Albi e era Cooperativa Arbequina d’Arbeca, e tanben es escòles d’Els Torms.

Cadua des construccions que hèn partida deth recorrut se caracterize per conservar elements pròpris d’aguest movement artistic coma son eth malon vist, es arcs parabolics, era ceramica decorativa, era sarralharia, es formes corbes tipiques modernistes e ua fòrta integracion damb er entorn rurau.

Damb aguesta naua prepausa, Garrigues incorpòre un guardar singular ath sòn patrimòni e legat arquitectonic, en tot diversificar era aufèrta toristica e en tot refortir er atractiu culturau deth territòri damb ua rota que connècte arquitectura, istòria e identitat locau.

Mès informacion: 

https://ccgarrigues.com/el-consell/noticies/ruta-del-modernisme-a-les-garrigues/