Eth Patronat de Torisme dera Deputacion de Lhèida, frut dera collaboracion entre Aeroports de Catalunya e Deputacion de Lhèida, amie a tèrme ua seguida d’accions publicitàries damb era companhia Air Nostrum, enterpresa adjudicatària dera licitacion des servicis de promocion economica, toristica e empresariau des comarques lheidatanes en entorn der aeropòrt de Lhèida-Alguaire. 

Era campanha publicitària entara promocion deth Pirenèu e es Tèrres de Lhèida ei dividida en dus grani blòcs: era que va a bòrd des aeronaus d’Iberia Regional Air Nostrum e era que hè promocion en supòrts en linha. En aguest apartat s’an previst dues accions diferentes: d’un costat ueit publicacions en hilats sociaus a on se vincule era promocion deth territòri e es rotes entre Lhèida e Balears, e der aute un bendèu promocionau damb ligam ath web d’Air Nostrum en tot estacar ath web www.aralleida.cat.

Per çò qu’ei des accions onboard, se son a amiar a tèrme tres prepauses diferentes: abans der inici des vòls, es tripulants de cabina de passatgèrs hèn ua promocion locutada deth Pirenèu e es Tèrres de Lhèida en castelhan e anglés; tanben i a publicitat en totes es capcères a on es passatgèrs repausen eth cap e enes compartiments deth bagatge de man, e fin finau s’a personalizat eth fuselatge der avion pes dus costats, damb era imatge, eth lògo e era web der Ara Lleida. 

 Cau díder qu’era campanha publicitària s’alongarà enquia març deth 2025.