Montfalcó Murallat, ena comarca dera Segarra, ei eth dusau pòble medievau damb mès encant d’Espanha, segontes era prestigiosa revista National Geographic . 

Eth pòble fortificat dera Segarra revalide aguest títol, ja qu’en 2020 tanben siguec nomentat com un des pòbles mès polits d’Espanha, sonque superat per Laguardia (Alava).

Eth portau de viatges a elaborat ua lista de 30 localitats espanhòles que subergessen peth sòn encant medievau, entre aguestes i podem trapar Peratallada, Besalú e Montblanc.

Cau rebrembar qu’era revista Descobrir.cat ja includic aguesta localitat entre es ueit micropòbles damb mès encant de Catalonha.

Montfalcó Murallat relhèue pera sua fortalesa, situada en un endret privilegiat d’a on se domine tota era Segarra, baloard d’incalculable valor pendent era Reconquesta e era consolidacion dera corona d’Aragon. En aguest moment, era sua fotogènia atrè a milèrs de visitaires, e aufrís ath viatgèr ua beresa unica, ja qu’eth pòble se tròbe en un fòrça bon estat de conservacion e reconstruccion.