Eth projècte EPirEMed (Experiéncies Pirenenques, Emocions Mediterranèes) a er objectiu de promocionar, de manèra conjunta e ben integrada, ua bona part deth Pirenèu e deh Prepirèneu. Era iniciativa aufrís productes toristics transtermierèrs basadi ena sostenibilitat, era qualitat e eth valor hijut, tant entath torista coma entath territòri, e junh eth torisme rurau e de montanha damb es alternatives de transpòrt sostenible.

EpirEMed ei destinat a potenciar era integracion toristica des territòris deth Pirenèu orientau enes dus costats dera termièra entre França e Catalonha, e s’arremasse, ena web www.epiremed.eu era aufèrta des comarques lheidatanes a trauès de 15 rotes, 13 experiéncies transtermierères, 63 activitats e 249 alotjaments, ath delà de d’autes prepauses. Aguest projècte articule es estratègies de promocion ar entorn deth portau www.epiremed.eu, qu’ei ua veirina excellenta dera aufèrta toristica d’aguest territòri, estructurada en 17 rotes tematiques, mès de 600 entrepreses de servicis e ua trentea de paquets toristics, creats e comercializats per miei d’agéncies de viatges receptives