Eth reportatge d’Edgar Aldana Anton “La tardor s’acomiada/colors tardor”, corresponent ara categoria de Reportatge fotografic e publicat en suplement “Lectura” deth diari Segre, a obtengut eth Prèmi Especiau Antonio Franco deth 32au Prèmi Toristic Internacionau Pica d’Estats de Premsa, Ràdio, Television e Internet.
Eth reportatge d’Edgar Aldana Anton “La tardor s’acomiada/colors tardor”, corresponent ara categoria de Reportatge fotografic e publicat en suplement “Lectura” deth diari Segre, a obtengut eth Prèmi Especiau Antonio Franco deth 32au Prèmi Toristic Internacionau Pica d’Estats de Premsa, Ràdio, Television e Internet. Antonio Franco siguec un referent deth periodisme en democràcia e membre fidèu d’eth pendent 24 ans. E eth Prèmi Especiau d’aguesta edicion pòrte justaments eth nòm d’Antonio Franco Estadella en reconeishença ara sua figura.
Eth prèmi de Premsa escrita d’informacion generau a estat entar article “Los Pirineos atraen Nuevos pobladores en tiempos de Covid”, escrit per Rosa M. Bosch e publicat en suplement “Vivir Verano” de La Vanguardia. Eth prèmi de Premsa especializada en viatges e torisme a estat entà “La Vall de Boí. Románico puro en el Pirineo”, un reportatge d’Elena del Amo Valero, damb fotografies de Lluís Davilla, publicat ena revista Viajar. Eth prèmi de Television a estat entath reportatge “Les bruixes porten dol”, elaborat per Anna Solana Tomás e Pilar Granero Garrido e emetut per RTVE Catalonha. Eth prèmi de Ràdio a estat entath reportatge “Parque Nacional de Aigüestortes i Estany de Sant Maurici. Turismo de Altura”, un reportatge de José Lorenzo Díaz emetut pera Cadena SER Jaén.
Eth prèmi de Premsa internacionau a estat entath reportatge “L’Urgell”, escrit per Marie Costa e publicat ena revista Cap Catalogne. Eth prèmi d’Internet a estat entath video “Superjardins” de Damià Chacón Albà, centrat ena florason des frutèrs deth Baish Segre lheidatan. Finauments, eth prèmi ath milhor trabalh des Mejans de comunicació locaus des Tèrres de Lhèida a estat entath programa ÈM CÒ QU’ÈM de Lleida TV, una sèria d’espacis en aranés emetuts er an 2021 sus ua idea deth periodista Òscar Fernández.
Eth concors Prèmi Toristic Internacionau Pica d’Estats de Premsa, Ràdio, Television e Internet a ua dotacion economica globau de 45.000 €, que se distribuïssen en un Prèmi Especiau de 10.000 € ath milhor trabalh d’entre es 8 categories deth guerdon e 7 prèmis de 5.000 € entà cada un des guanhadors des autes categories.
