Notícies
SOUL-MOUNTAIN

Eth Pirenèu de Lhèida, era cunhèra deth projècte Soul Mountain

Dimecres, juny 30, 2021

Eth projècte Soul Mountain fusione musica e aupinisme, dera man deth music e aupinista Jordi Mestre, qu’a er objectiu d’enregistrar era sua musica en diuèrsi tucs deth Pirenèu lheidatan

Er aupinista e music Jòrdi Mestre apareish damb un nau projècte que fusione es sues dues passions: era musica e er aupinisme. Aguest Projècte, Soul Mountain, nèish dera idea de poder enregistrar era sua musica enes tucs des sues montanhes preferides en diferentes epòques der an. Era finalitat qu’acace non ei sonque era de víuer era experiéncia paisatgistica e musicau deth Pirenèu, tanben era de poder interpretar era sua musica en lòcs qu’an un gran significat entada eth. Jòrdi Mestre, acompanhat dera sua guitarra electrica e deth sòn equip, composat per un guida de montanha e un camèra/editor dera pèça musicau, afronten es complicacions que van gessent tanben d’aguesta iniciativa, coma pòt èster tocar era guitarra en endrets a on era temperatura ei peth dejós des zèro grads.

Eth projèce compde damb dues gravacions ena Val d’Aran. Ena tardor ei previst de hèr-ne ua tresau ena Alta Ribagòrça e connectant damb Boí Taüll, pujant era cresta des Besibèrris e gravant imatges deth Pirenèu de Lhèida ena sason de tardor. Era sua musica vire ar entorn dera tradicion afroamericana e genres com eth jazz, eth soul, eth blues, e eth hip-hop. Aguesta singulara iniciativa, damb resson mediatic, com ara un reportatge en Guitar magazine, compde damb era collaboracion deth Patronat de Torisme dera Deputacion de Lhèida.