Notícies
Bon inici de la temporada de turisme actiu

Bon començament dera sason de torisme actiu

Dimecres, juny 30, 2021

Era sason de Torisme Actiu e espòrts d’aventura ena demarcacion a començat a bon ritme e se demore ua sason d’ostiu damb fòrça bones donades

Era sason de torisme actiu e espòrts d’aventura ena demarcacion de Lhèida a començat a bon ritme, encara qu’un shinhau mès tard des dates d’abituda des auti ans. Era activitat s’a incrementat especiauments es dimenjades deth mes de mai e sencara era sason estivau damb fòrça optimisme, ja qu’eth rime de resèrves ei positiu e se demore milhorar es resultats dera sason 2020, que sigueren fòrça favorables.

Eth Patronat de Torisme prevé superar es 550.000 servicis contractats, un nombre que represente un 25% mès qu’es que se presentèren pendent eth 2020, e que se tanquèc damb 440.000 servicis contractats. Ath començament deth mes de junh, Rosa Pujol, vicepresidenta deth Patronat, mantiec ua trobada damb es representants dera Associacion d’Empreses d’Aventura deth Pallars Sobirà, amiada peth sòn president, Florido Dolcet, entà amiar a tèrme un seguiment deth començament d’aguesta naua sason. Aguesta naua trobada non ei sonque eth seguiment dera reünion qu’agueren es representants dera Associacion d’Empreses d’Espòrts d’Aventura deth Pallars Sobirà ena Deputacion de Lhèida.

Aguesta trobada ei un seriós compromís deth Patronat de Torisme dera Deputacion de Lhèida damb aguest sector estrategic qu’ei un important motor economic entath conjunt dera demarcacion de Lhèida, ja qu’era sua activitat contribuís ara desassasonalizacion dera tempsada toristica damb activitats que se desvolopen dera primauera enquiara tardor.

Aguesta sason se demoren fòrça boni numèros e poder atau recuperar es chifres d’abans dera pandèmia. Se prevé qu’eth public sigue majoritàriaments de proximitat, especiauments de Catalonha, e en menor mesura der Estat espanhòu, mentre qu’eth public internacionau contunharà d’èster en baisha quantitat. Aguest an era demarcacion pòt compdar damb 205 empreses, des quaus 162 se trapen en Pirenèu e supòsen un 79% deth totau, eth Pallars Sobirà ei era comarca qu’en concentre ua major aufèrta.

De totes es activitats que se pòden practicar ena demarcacion de Lhèida, es activitats de tèrra guanhen adèptes, eth trekking-senderisme e era BTT especiauments. Es vies herrades e eth gòlf pitch&putt, peth sòn costat, mòstren un increment significatiu.

Enes activitats d’aigua, eth rafting contunhe coma era activitat estellara, seguida deth descens de barrancs, caiac, piragüisme e d’autes. Es activitats d’aires, coma son eth parapent e era ala delta, s’an assolidat com activitats aerianes emblematiques des comarques de Lhèida.