Notícies

PICA-ESTATS

Eth Patronat de Torisme apròve es bases deth prèmi “Pica d’Estats” dempús deth sòn ajornament pera covid-19

Dimecres, juny 30, 2021

Eth Patronat de Torisme a organizat dus presstrips entà potenciar era diversitat d’aufèrta deth Pirenèu e es Tèrres de Lhèida

Eth Patronat de Torisme dera Deputacion de Lleida a aprovat es bases reguladores deth Prèmi Toristic Internacionau “Pica d’Estats” de Premsa, Ràdio, Television e Internet entara naua convocatòria d’aguest 2021, rebrembant qu’era darrèra edicion deth prèmi demorèc suspenuda pera exepcionalitat provocada pera covid-19.

Aguest prèmi mantierà es 8 categories e un prèmi especiau de 10.000 euros ath milhor trabalh qu’aurà trigat eth jurat entre es 8 reportatges guanhadors enes diferentes categories. D’aguesta manèra, eth 32au Prèmi “Pica d’Estats” de Premsa, Ràdio, Television e Internet, aurà un prèmi de 10.000 euros e es auti sèt de 5.000 euros cada un.

En aguesta edicion poiràn optar ath prèmi toti es trabalhs periodistics que tracten sus quinsevolh des atractius toristics des Tèrres de Lleida, publicadi o emetudi en quinsevolh idiòma entre eth 19 d’octobre de 2019 e eth 30 de seteme de 2021. Eth temps d’inscripcion se daurirà a compdar der 1 d’octobre de 2021 per espaci d’un mes.

Eth certamen ei adreçat as professionaus dera infomacion e dera comunicacion de quinsevolh país deth mon qu’agen publicat o emetut trabalhs periodistics sus quinsevolh des encastres toristics des comarques de Lleida.

Eth jurat, com enes edicions anteriores, serà format per professionaus damb ua trajectòria reconeishuda en mon dera comunicacion e serà presidit peth degan deth Col·legi de Periodistes de Catalunya.

+Informacion aqui