Notícies

“Lleida, vola de nou”, la nova campanya d’estiu

“Lhèida torne a volar”, era naua campanha d’ostiu

Dimecres, juny 30, 2021

Naua campanha promocionau “Lhèida torne a volar”, entà impulsar era recuperacion e arténher es chifres recòrd deth 2019 en viatgèrs e pernoctacions

Era sason d’ostiu s’encare damb optimisme e se prevé que se poguen arténher es resultats deth 2019, que se barrèc damb donades recòrd damb 1.428.000 pernoctacions e 565.000 viatgèrs.

Eth Patronat de Torisme dera Deputacion de Lhèida promocione era aufèrta toristica d’ostiu en ua campanha damb eth lèma “Lhèida torne a volar”, que vò transméter un messatge de recuperacion e de tornada ara normalitat e poder gaudir des espacis naturaus deth territòri. Era evolucion positiua dera situacion sanitària, era finalizacion des restriccions e era recuperacion dera normalitat favorissen era reaccion deth sector toristic, en generau, mès especiauments ena demarcacion de Lhèida pes sues caracteristiques coma destinacion.

Eth Patronat de Torisme a impulsat ua campanha pròpia damb eth lèma “Lhèida torne a volar”, que manten es iniciaus ADN Lhèida: Autentica, Diferenta e Naturau, que definís es principaus atributs des comarques dera demarcacion de Lhèida. “Lhèida torne a volar” hè visibla era diversitat de Lhèida com ua destinacion capdavantèra de torisme d’interior e de montanha e es activitats que propòse eth conjunt deth territòri, dera plana enquiath Pirenèu, damb ua aufèrta entà tota era familha e restacada ara conservacion, tant des recorsi naturaus com era cultura e es tradicions, contribuïnt atau ara milhora dera imatge de qualitat.

Era campanha incorpòre coma element ua parpalhòla de color verd coma simbèu dera sostenibilitat, un valor fòrça relheuat des dera crisi dera COVID19. Era part grafica dera campanha mòstre diferentes fotografies deth territòri adreçades a promòir es productes de cultura, natura, torisme actiu, torisme familiau e gastronomia. Era campanha aurà ua incidéncia especiau en Catalonha a trauès des principaus mejans de premsa escrita, ena ràdio, ena television, internet e publicitat exteriora. Era promocion aurà tanben ua incidéncia en País Valencian, ena Comunitat de Madrid, enes Isles Baleares e en País Basc.

Ath delà, a participat en ua dusau campanha impulsada pera Agéncia Catalana de Torisme damb era collaboracion dera rèsta de patronats des deputacions e Torisme Val d’Aran, igual com se hec per prumèr viatge en 2020. Aguesta companha ei destinada a hèr ua accion de promocion conjunta deth territòri, enfocada a escala estatau, atau com a accions especifiques adreçades ath mercat francés en domèni internacionau.

Era sason d’ostiu s’encare damb optimisme e se prevé que se poguen arténher es resultats deth 2019, que se barrèc damb donades recòrd damb 1.428.000 pernoctacions e 565.000 viatgèrs. Se demore qu’aguest ostiu sigue “er an dera recuperacion” entàs comarques de Lhèida, ja que se prevé que fòrça visitants volguen hèr vacances en Pirenèu e es Tèrres de Lhèida, ua manèra segura de conéisher era natura, era cultura e era gastronomia deth territòri. Precisaments, es espacis dubèrts e era natura exuberanta dera demarcacion sigueren factors decisius entà arténher un bon balanç en ostiu deth 2020, especiauments enes parçans deth Pirenèu e deth Prepirenèu, que pendent es mesi de juriòl, agost e seteme experimentèren un aument en nombre de viatgèrs e pernoctacions en relacion ath madeish periòde deth 2019.

Podetz veir era campanha en aguest ligam.