Entà promocionar eth torisme actiu e es espòrts d’aventura deth Pirenèu e es Tèrres de Lleida, eth Patronat de Torisme a impulsat er enregistrament de diferentes activitats de tèrra, aire e aigua entà produsir diferentes microcapsules de vidèo tà èster difonudes enes perfius des hilats sociaus d’@aralleida.

Era creacion d’aguestes pèces sagen d’incitar a visitar eth territòri e a gaudir dera sua aufèrta de torisme actiu jos eth guidatge d’un prescriptor. Aguest qu’ei Tomi Misser, ciclista catalan especializat en ciclisme de montanha qu’a artenhut un Campionat d’Euròpa en devarada e d’auti prèmis a nivèu estatau.

Tomi Misser a corrut diferenti endrets des comarques dera Segarra, era Noguera, eth Pallars Jussà e eth Pallars Sobirà tà enregistrar imatges d’activitats de BTT, vòl, rafting, entre d’autes.

Coma resultat dera filmacion que s'an produsit diuèrses pèces: tres vidèos de 45" de BTT, rafting e parapenent, un vidèo generau entà Youtube d'ua 1’ 30” de durada, reels de 15" entà promocionar activitats de torisme actiu e espòrts d’aventura que se pòden hèr ena demarcacion de Lleida.

Atau madeish, actuaument se hè ua campanha promocionau en Instagram mejançant era articulacion d’un tiratge ara sòrt e era collaboracion deth prescriptor Tomi Misser, a on er usatgèr a d’etiquetar a 3 amics entà poder-i participar. Es prèmis consistiràn en ua dimenjada tà dues persones en regim de mieja pension e ua activitat BTT, de rafting o de vòl.