Notícies

LES-GARRIGUES-EN-FLOR

“Les Garrigues en Flor”, ua naua edicion entà emberir es pòbles dera comarca

Dilluns, maig 31, 2021

Comence ua auta edicion de “Les Garrigues en Flor”, un eveniment que se desvolope deth 21 de mai ath 6 de junh e qu’ei promoigut peth Consell Comarcal de les Garrigues

Comence era 5au edicion de "Les Garrigues en Flor eveniment qu’enguan se hè deth 21 de mai ath 6 de junh e a coma objectiu emberir es pòbles dera comarca damb flors e plantes naturaus e a on enguan per prumèr viatge i participen es 24 pòbles des Garrigues.
Ath long des caps de setmana que dure eth concors, es restaurants dera comarca qu’an eth distintiu de qualitat "Restaurants Verge Extra" aufriràn as sòns clients menús creadi entara ocasion.

Ena edicion d'enguan se recupère era presencialitat dempús qu’er an passat se hèsse en mòde confinat pr’amor dera pandèmia, atau qu’enguan s'encoratge especiaument as garriguencs e garriguenques a guarnir carrèrs, places e balcons.
Aguesta iniciativa, que s'includís ath laguens deth plan estrategic comarcau "Les Garrigues fent camí", a coma objectiu hèr a préner consciéncia deth valor der espaci public coma element de qualitat de vida e atractiu toristic, ath delà d'estimular era autoestima des pòbles des Garrigues.

Eth concors ei dubèrt a tot eth public que i volgue participar; ajuntaments, grops de vesins e vesies, comèrci e establiments e persones a títol personau. E cònste de dues categories; ua entàs ajuntaments que guarnisquen er espaci public e era auta, tàs vesins deth pòble, damb tres prèmis de contèxte comarcau que decidirà eth jurat e un prèmi entara milhor casa que se decidirà per votacion populara a trauès dera plana de Facebook de Turisme de les Garrigues.