Era Baronia de Rialb qu’a optat a èster capitau deth torisme rurau 2021 en un concors que s’a hèt pera plataforma de torisme rurau, Escapada rural.
Finaument, eth pòble guanhador qu’a estat Olvera, municipi situat en Cadis e que pertanh ara Rota des Pòbles Blanqui damb eth 18% des vòts.

Maugrat non auer guanhat, era Baronia de Rialb aufrís ua grana aufèrta entà veir e gaudir, com es sues glèises e capèles romaniques. Pr’amor que se volem descorbir era Baronia eth lòc tà veir obligatòriament qu’ei eth Monastèri de Gualter a on trobam eth burèu de torisme. Era bastissa, damb ua longa istòria entre es sues parets, qu’ei era anma deth torisme locau a on cada an s’i organizen activitats e rotes e cada ostiu s’i hè ua trobada culturau tà afirmar era pròpia identitat. En punt d’informacion dera Baronia aufrissen un pack damb es mès arrecomanades, coma Santa Maria de Palau o Sant Girvés de la Torre.

Eth torisme rurau dera zòna ei un gran trampolin entàs visitaires que vòlen gaudir deth barranquisme qu’aufrís er arriu e es sòns torrents. E un des endrets de referéncia qu’ei eth Forat de Bulí, ena part baisha des montanhes mès nautes. Un lòc ideau entà meter-se un neoprèn e practicar espòrts aquatics e s’un ac vò, alongar-les enquia arribar en arriu Segre ara nautada