Notícies

El Patronat de Turisme potencia el Turisme Actiu de la demarcació

Eth Patronat de Torisme promò eth Torisme Actiu dera demarcacion

Divendres, abril 30, 2021

Eth Patronat de Torisme assistís entara hèira virtuau Fiets en Wandelbeurs e a organizat un presstrip tà potenciar eth torisme actiu dera demarcacion de Lleida.

Presstrip

Eth Patronat de Torisme a impulsat era creacion de quauques microcapsules de vidèo entara promocion dera naua sason de torisme Actiu damb eth ciclista Tomi Misser coma prescriptor.

Eth presstrip organizat peth Patronat de Torisme a compdat damb Tomi Misser, ciclista catalan especializat en ciclisme de montanha guanhador d'un Campionat d'Euròpa en devarada e de d’auti prèmis estataus.
Eth sejorn que comencèc eth dimars 13 e enquiath dijaus 15 d'abriu pes comarques dera Segarra, Noguera, Pallars Jussà e Pallars Sobirà tà enregistrar imatges d'activitats de BTT, vòl, rafting e senderisme, entre d'autes.

Aguesta activitat a era collaboracion des diferenti conselhs comarcaus a on se harà era activitat.

 

Hèira Fiets en Wandelbeurs

Eth Patronat de Torisme dera Deputacion de Lleida e era Associació de Càmpings de Lleida an participat de manèra virtuau en Salon de Torisme Actiu mès important des Païsi Baishi, ath laguens deth taulèr dera Agéncia Catalana de Torisme.

Aguesta hèira qu’ei adreçada ath producte de ciclotorisme e senderisme e tanben ara aufèrta de natura, sectors enes quaus eth Pirenèu e es Tèrres de Lleida son un referent. Ath delà de dar responsa a un interès creishent deth public neerlandés pes vacances actives e durables.

Era edicion d’enguan a un format virtuau e es tecnics deth Patronat de Torisme e dera Associació de Càmpings responeren coma expositors as qüestions deth public visitaire dera hèira, que tanben ac hec en linha.

Eth Patronat metec a disposicion des visitaires totes es sues publicacions de senderisme, BTT, campings e era generau dera aufèrta toristica de Lleida Welcome Lleida e un vidèo de presentacion dera destinacion.