Notícies
PARC-ALT-PIRINEU

Es parcs deth Naut Pirenèu e deth Cadí-Moixeró optaràn ara Carta Europèa de Torisme Durable

Divendres, abril 30, 2021

Es Parcs naturaus deth Naut Pirenèu e eth deth Cadí-Moixeró comencen eth procès entà aderir-se ara Carta Europèa de Torisme Durable (CETS).

Es parcs naturaus deth Naut Pirenèu e eth deth Cadí-Moixeró an començat eth procès entà higer-se ara Carta Europèa de Torisme Durable (CETS), damb era presentacion dera candidatura a darrèrs deth 2022. Era Carta Europèa de Torisme Durable en espacis naturaus protegidi ei ua iniciativa dera Federacion Europarc, organizacion qu’amasse espacis naturaus protegidi de 38 territòris europèus e que verifique que i age un compromís entà aplicar es principis de torisme durable.

Er objectiu qu’ei aumentar era coneishença sus er espaci protegit e dar supòrt ara sua preservacion, ath madeish temps que se trabalhe entara milhora deth desvolopament durable, era gestion toristica des espacis e eth sòn airau d'influéncia.

Es dus parcs preven era creacion de grops de trabalh e un fòrum qu’ath long d’aguest 2021 definiràn eth domeni d'accion e trabalharà ena elaboracion d'un diagnostic deth patrimòni naturau, istoric e culturau. S'evaluaràn d’autes qüestions, com era infraestructura deth torisme existenta, es visitaires actuaus e mercats potenciaus de futur e, tanben, es efèctes en mèdi ambient, economia e es comunitats locaus, entre d'autes.

Era auditoria e era certificacion per part d'Europarc atau com eth començament dera execucion deth plan d'accion se prevé que se pogue desvolopar a partir deth 2023. Entath 2024 ei previst qu’es empreses toristiques qu’ac desiren ne poguen demanar era adesion individuaument e volontàriament, tà disposar d'airines utiles entà evaluar-ne eth desvolopament durable e tanben supòrt tecnic, promocion e compdar damb ua certificacion deth mès naut prestigi internacionau.​