Notícies
Turisme-de-floració

Espectacle naturau damb eth torisme de florason

Dimecres, març 31, 2021

Un an mès, er espectacle dera florida tinte es camps des Tèrres de Lleida.

Era florason des arbes a vengut un espectacle toristic susprenent. Era iniciativa toristica met en valor eth paisatge e era activitat agricòla pròpia deth Baix Segre ara quau tanben s’a hijut era florida des ametlèrs des Garrigues. Enguan, totun, tanben condicionada pes restriccions de mobilitat a conseqüéncia dera pandèmia.

Cada localitat a organizat activitats entà promòir era florason des sòns municipis. Er Ajuntament d’Aitona damb era sua campanha “Fruiturisme” a apropat de manèra virtuau era florason deth perseguèr e, un an mès, seguís en deuant era iniciativa “Apairina un arbe frutèr” tà fomentar eth consum de fruta de qualitat com era nectarina, eth persec o eth paraguaian.

En Montoliu de Lleida era florida s’a podut visitar en 3 rotes paisatgistiques diferentes a on es colors an estat es grani protagonistes ath madeish temps qu’es visitaires an descurbit eth patrimòni culturau e naturau deth municipi. En Albatàrrec s’a hestejat eth Dia Internacionau dera Hemna entre arbes florits damb ua caminada, en tot qu’en Seròs s’a hèt un concors fotografic en Instagram #FlorSeròs.

En Soses s’organizèc eth 6 de març ua trobada de “sketchers” damb era florason des arbes frutèrs coma tèma principau. Era Granja d’Escarp, peth sòn costat, a abilitat endrets informatius sus es itineraris dera florason.
E enes Garrigues, enguan qu’a començat era campanha “Es Garrigues, zòna d’Ametlèrs Floridi” damb un concors en Instagram que cèrque era milhor fotografia sus es ametlèrs floridi e es paisatges dera comarca.

Eth Patronat, damb eth torisme de florason

En Patronat de Torisme dera Deputacion de Lleida auem dat supòrt ath torisme de florason dera fruta doça e es ametlèrs damb era difusion deth patrimòni naturau des Tèrres de Lleida. Era campanha d'enguan que comencèc er 1 de març e s'a canalizat  principaument a trauès des hilats sociaus mejançant eth #BaixSegreEnFlor e #LaFloració, e tanben per miei de d'auti canaus de comunicacion coma reportatges digitaus, bulletin de premsa, originau de publicitat, Club d’Amics de Lleida (programa de fidelizacion), etc.

Pr’amor des restriccions sòciosanitàries establides, en Patronat de Torisme dera Deputacion de Lleida mos auem centrat ena difusion der espectacle dera florida e era inspiracion sensoriau que genère.