Notícies

Presstips

Presstrips peth Pirenèu e es Tèrres de Lleida

Dimecres, març 31, 2021

Eth Patronat de Torisme qu’a organizat diuèrsi viatges entà periodistes tà hèr a conéisher era demarcacion de Lleida.

Eth Patronat de Torisme dera Deputacion de Lleida qu’a organizat 3 presstips tà hèr a conéisher eth Pirenèu e es Tèrres de Lleida a trauès de bloggers e publicacions deth mon deth torisme, viatges e espòrt.

Deparunner, director dera Revista Trail Run, speaker de corses de montanha nacionaus e internacionaus, director tecnic de Wild Trail Project, entre d’auti, a participat deth 21 ath 26 de març en un blòctrip damb er objectiu de promocionar es circuits de trailrunning deth Pirenèu e es Tèrres de Lleida e difusion des paisatges visitadi a trauès des sòns hilats sociaus. Era rota a començat damb era Maraton deth Segre ena Granja d’Escarp,  en tot passar per Penelles e eth sòn Street Art, visita deth Castèth de Montsonís, realizacion dera Gerb Trail 20k +900, seguit deth circuit Milha Verticau d’Àreu deth Pallars Sobirà damb ua gessuda de raquetes de nhèu en estanh de Mascarida (Tavascan). Ara seguida a visitat era comarca der Alt Urgell, a on a gaudit deth circuit Santa Fe e a acabat eth sòn sejorn damb eth circuit de Rocallaura ena comarca der Urgell.

Tus destinos, revista digitau e blòg de torisme e viatges que publique informacion toristica nacionau e internacionau, a hèt deth 25 ath 28 de març ua rota per 3 pòbles (Taüll, Montsonís e Arties) e 2 ciutats (Solsona e Lleida) dera demarcacion de Lleida tara sua promocion, ja que son part dera mèrca toristica der ACT damb eth distintiu “pòbles damb encant” e “ciutats damb caractèr”. Era promocion s’a hèt a trauès des hilats sociaus damb eth contengut enregistrat enes 4 dies de rota pes diferenti pòbles e ciutats dera demarcacion.

Era revista Ziklo, amassa damb era mèrca Ciclotorisme dera Agéncia Catalana de Torisme, an hèt entre eth 28 de hereuèr e eth 2 de març ua rota tà descurbir eth ciclisme de carretèra en Pirenèu e es Tèrres de Lleida. Es dues rotes trigades que sigueren era Serra de Llena enes Garrigues e eth torn Oliana-Barratge de Rialb (Alt Urgell). Era experiéncia d’aguestes dues rotes se poirà liéger en linha en web dera revista e enes sòns hilats sociaus.