Notícies
Fons-Next-Generation

Presentacion des hons europèus Next Generation

Dimecres, març 31, 2021

Programes de reactivacion economica e projeccion sociau entà auançar tà un modèl mès durable.

Eth hons Next Generation, hons europèu de recuperacion adreçat a projèctes toristics, qu’a estat eth tèma protagonista dera ponéncia hèta peth Patronat de Torisme dera Deputacion de Lleida e qu’a compdat damb era preséncia deth vicepresident prumèr dera Deputacion de Lleida, Jordi Latorre.

Eth hons Next Generation (Plan de Modernizacion, Transformacion e Resiliéncia) son programes de reactivacion economica e projeccion sociau entà hèr transformacions estructuraus e auançar entà un modèl mès durable, tant ambientaument coma sociaument, adoptadi a conseqüéncia dera crisi provocada pera pandèmia.

Aguesta dotacion economica darà supòrt ad aqueri projèctes que s’avenguen damb eth desvolopament durable, era digitalizacion e era coesion damb er objectiu d’impulsar era societat e era economia. Atau donc, eth desfís que presente aguest hons entara Deputacion ei qu’eth territòri de Lleida, eth Pirenèu e Aran gesquen refortidi e siguen un referent toristic en domèni europèu.

En domèni toristic a nivèu der Estat espanhòu s’a articulat eth Plan de Modernizacion e Competitivitat deth sector toristic, dotat damb 3.400 milions d’euros que s’empare en 5 èishi; eth prumèr qu’ei era transformacion deth modèl toristic entath desvolopament durable, en aguest èish se preven desvolopar diuèrses accions, qu’era mès importanta ei eth Programa de Plans de Sostenibilitat Toristica enes Destinacions, accion que prevé era recuperacion integrau des destinacions pionères e era transformacion estrategica des destinacions urbanes e d’interior.

Aguest plan qu’ei dotat damb 1.840 milions, des quaus 660 s’aplicaràn enguan, 890 entath 2022, e mès de 300 milions tath 2023.

Actuaument ja i a projèctes que se desvolopen damb hons europèus estructuraus d’inversions  e/o de hons competitiu a on i participen era madeisha Deputacion de Lleida, era Universitat de Lleida e d’auti organismes dera administracion deth territòri.

En Patronat de Torisme dera Deputacion de Lleida vos arrecomanam èster fòrça atentius as publicacions oficiaus deth BOE e eth DOG entà èster assabentadi des diferentes ajudes deth hons europèu.

Includim era presentacion dera session e er enregistrament dera jornada.

Presentació de la sessió informativa