Er aeropòrt de Lhèida-Alguaire a barrat era sason d’ostiu damb un totau de 4.324 viatjaires, ua chifra fòrça bona per repòrt ar an passat, per çò que s’a incrementat un 45,2% eth nombre de passatgèrs (er an 2024 i aueren 2.978 usatgèrs).
Er an 2024 viatgèren un totau de 39.664 passatgèrs –un 27% mès qu’er an anterior– e se heren 28.112 operacions –un 61% mès qu’en 2023–. Maugrat era sua activitat comerciau, era escomesa per diversificar era activitat dera infrastructura le consolide coma un aeropòrt de formacion, industriau, tecnologic e de laboratòri de pròves entara aviacion e era industria aeroespaciau.
En aguest sens, cau destacar era activitat de formacion teorica e practica de pilòts que s’amie a tèrme en BAA Training pendent tot er an e era escòla deth CESDA en ostiu. Tanben companhies coma Air France, Vueling e Volotea pendent eth 2024 an realizat trabalhs de formacion des sòns pilòts enes installacions lheidatanes. Egaument, era enterpresa lituana BAA Training formarà pendent tres ans 400 pilòts d’aviacion comerciau en aeropòrt d’Alguaire –fòrça d’eri procedenti d’Índia–, damb ua trentea d’avionetes entàs practiques.
Autament, s’a inaugurat recentament ua naua residéncia modulara que permet lotjar 150 pilòts de forma simultanèa ena encencha aeroportuària. Un projècte que supause un pas mès entara consolidacion der aeropòrt coma centre de referéncia en formacion aeronautica a nivèu mondiau.
Mès informacion:
