Er ajuntament de Guissona a impulsat ua naua campanha toristica “Guissona, eth passat viu”, damb era tòca de dar a conéisher e méter en valor eth patrimòni e era riquesa deth municipi. Era iniciativa a includit era creacion de naui contenguts audiovisuaus entà hilats, era elaboracion de tres rotes a pè e en bicicleta (era rota dera aigua, dera pèira seca e era païsatgistica) e era edicion de materiaus toristics coma un puzzle infantil e triptics entà hèires, entath Musèu de Guissona e entath sector toristic de Segarra.

Segons indique eth consistòri municipau “aguestes accions dan responsa as besonhs detectadi en Plan Estrategic de Torisme de 2023, elaborat damb eth supòrt de Patronat de Turisme de la Diputació de Lleida, que hec a remercar era importància de refortir eth marqueting e era difusion deth patrimòni locau”. 

Dempús der inici dera campanha ja s’an pogut remercar quauqui prumèrs resultats coma eth creishement des hilats sociaus de Torisme Guissona en un 40%. En ajuntament confien qu’aguest interès se tradusisque plan lèu en mès visites ath municipi e mès grana activitat toristica.

Era campanha “Guissona, eth passat viu” s’a desvolopat mercés ath Plan des ajuntaments dera demarcacion de Lhèida entara implementacion de projèctes toristics der an 2024, e mercés ara ajuda de 23.319,00 € qu’aportèc  Patronat de Turisme de la Diputació de Lleida. 

Mès informacion: 

www.guissona.cat/guissona-impulsa-la-campanya-el-passat-viu-per-promocionar-el-seu-patrimoni/