Patronat de Turisme de la Diputació de Lleida e eth Collègi de Jornalistes de Catalonha an daurit eth període d’inscripcion de trabalhs ara 36au edicion deth Prèmi Toristic Internacionau Pica d’Estats de premsa, ràdio, television e mejans digitaus. Eth guerdon ei adreçat tàs jornalistes qu’agen publicat trabalhs sus es atractius toristics deth Pirenèu e es Tèrres de Lhèida entre er 1 d’octobre de 2024 e eth 30 de seteme de 2025. Es participaires pòden presentar era sua candidatura enquiath 31 d’octobre mejançant un bulletin en linha que ja ei disponible en web http://www.premipicadestats.cat. 

Eth guerdon ei dotat damb 48.000 euros, repartit entre es següentes categories (premiades damb 6.000 euros cadua): 

1. Melhor reportatge jornalistic. Se valorarà eth reportatge en ensem, en tot considerar tant eth tèxte jornalistic coma era fotografía (trabalhs publicadi en mejans en papèr o digitaus). 
2. Melhor article periodístic. S’avalorarà exclusivament era qualitat deth tèxte jornalistic (trabalhs publicadi en mejans en papèr e/o digitaus). 
3. Melhor reportatge fotografic. S’avalorarà exclusivament era qualitat des fotografies publicades en mejans generalistes o especializadi, siguen en papèr e/o digitaus (seleccion d’un maxim de 10 fotografies). 
4. Melhor trabalh de ràdio. I pòden optar tant es programes de ràdio coma es pòdcasts. 
5. Melhor trabalh audiovisuau. I pòden optar es programes emetudi tant per television coma pes plataformes de streaming. 
6. Melhor trabalh transmèdia. Se premiaràn es trabalhs formadi per diferentes publicacions en més d’un mejan o canau, en tot priorizar es publicacions en internet. S’avaloraràn aqueri reportatges que combinen formats e lenguatges diferenti e qu’agen ua estrategia comunicativa conjunta damb un pes important des hilats sociaus. 
7. Melhor trabalh de premsa internacionau. Trabalhs (independentament dera sua tipologia) publicadi en mejans internacionaus: articles, trabalhs de ràdio e audiovisuaus, reportatges, fotografies e trabalhs transmèdia. An de presentar-se exclusivament ad aguesta categoria. 
8. Melhor trabalh publicat enes mejans de comunicacion locaus. Trabalhs (independentament dera sua tipologia) publicadi en toti es mejans dera demarcacion de Lhèida: articles, trabalhs de ràdio e audiovisuaus, reportatges, fotografies e trabalhs transmèdia. Deuen presentar-se exclusivament ad aguesta categoria. 

Mès informacion:

www.premipicadestats.cat