Era Paeria de Cervera a entamenat aguest ostiu ua fotogenica campanha entà promòir eth torisme ena ciutat damb punts selfie digitaus en endrets emblematics e curiosi dera capitau de Segarra. Er airau de Torisme a creat eth concors “#SelfieCervera – Busca, Escaneja i Guanya!” e repartic per tota era ciutat uns còdis QR que s’auien d’escanerizar damb eth telefon mobil e que daurien un filtre o un quadre digitau unic ena pantalha entà poder hèr era fòto.
Es visitaires, un còp completauen era rota que compdaue damb cinc punts diferenti seleccionadi per tota era ciutat, podien penjar es sues selfies en hilat sociau d’Instagram damb eth hashtag #SelfieCervera2025 e es etiquetes @turismecervera e @paeriacervera. Era prumèra persona que completèc era rota guanhèc un pack exclusiu deth nau merchandising de Cervera e tanben es selfies mès originaus aueren prèmis.
Damb aguesta accion promocionau, er airau de Torisme de Cervera a convidat tant a visitaires coma forans a participar e conéisher es nombrosi punts d’interès toristic qu’a era capitau de Segarra com son era Universitat, es muralhes, era glèisa de Santa Maria, era plaça Major, era Harièra deth Sindicat, etc. Ath madeish temps, a estat un concors qu’a servit tà viralizar Cervera enes hilats sociaus.
Mès informacion:
