Er airau de torisme deth Conselh Comarcau d’Urgelh a dessenhat un nau huelheton toristic qu’aglutine es restaurants aderidi ara Rota gastronomica d’Urgelh, que s’enquadre laguens des actes de Catalonha, Region Mondiau dera Gastronomia 2025, e eth projècte 12 mesi, 12 païsatges.
Era Rota Gastronomica d’Urgelh permet recórrer e descorbir era gastronomia d’Urgelh, en tot seguir es tres arrius dera comarca e en tot gaudir des païsatges, es colors e es sabors. Ena naua publicacion se promòn es 20 restaurants que hèn partida dera rota, que jògue era carta deth patrimòni, era gastronomia, es païsatges e es productes de proximitat sense renonciar ara innovacion. Son establiments qu’utilizen productes de Km 0 – òli d’oliva, pan, heruta, carns, torrom entre d’auti– e en carta aufrissen vins e caves d’Urgelh.
Son: El Truc, Blanc i Negre e Atípic d’Agramunt; Cal Marina e Llavall d’Anglesola; Cal Menut de Belianes; Cafè Avenç e La Fontana de Bellpuig; Xopluc de Boldú; Restaurant 2007 de La Fuliola; Centro de Maldà; Iberik Rocallaura de Rocallaura; Daus, El Celler de l’Artista, El Gat, La Cava, Tastimotant e Níam de Tàrrega; Catalunya e Hostal del Carme de Vilagrassa.
Succès de L’Urgell, música entre vinyes
Tanben, laguens des actes de Catalonha, Region Mondiau dera Gastronomia 2025, er Airau de torisme deth Conselh Comarcau d’Urgelh a organizat aguest ostiu, amassa damb eth chai L’Olivera de Vallbona de les Monges, era activitat d’enotorisme L’Urgell, música entre vinyes. Er objectiu d’aguesta accion ei era descubèrta des païsatges de vinhes, es chais e era musica damb ua activitat experienciau e divertida, laguens d’un entorn priviliegiat coma son es vinhes dera Vall del Corb, en sud d’Urgelh.
Era velhada comencèc damb ua visita guidada entre vinhes a cargue deth chai L’Olivera de Vallbona de les Monges, entà conéisher eth procès de produccion, cuelhuda e elaboracion deth vin, de grana qualitat e sabor e damb DO Costers del Segre. Seguidament eth public podec participar en un tastet de vins a cargue deth chai L’Olivera, entà finalizar damb musica en dirècte damb eth grop Fratelli la Strada.
Mès informacion:
