Era Deputacion de Lhèida premanís eth projècte entà apariar e hèr circulable entà practicants de rotes de corsèra e de BTT eth camin naturau dera Noguera Baisha, qu’aurà ua longada de 24 km e junherà cinc municipis (quate d’aguesta comarca e un deth Segrià). Concrètament eth recorrut s’iniciarà en municipi de Torrrelameu, en Molí del Duc, e finalizarà en Ivars de Noguera, en tot passar pes poblacions d’Albesa, Algerri e Alfarràs (en Segrià).  

Era accion entà abilitar aguest camin, que rome ath costat der arriu Noguera Ribagorçana, s’enquadre laguens d’un plan de sostenibilitat toristica finançat pes Hons Nex Generation damb un còst d’1,5 milions e liderat peth Patronat de Torisme dera madeisha corporacion. Era tòca deth Patronat ei promòir er entorn naturau d’aguesti municipis e favorir era sua economia gràcies ara practica dera BTT e des rotes de corsèra. Es òbres d’apariament ei previst que comencen era primauera de 2025 e, en un futur, se projècte qu’eth camin s’agranisque a compdar de Lhèida enquiara restanca de Santa Anna, damb un recorrut de mès de quaranta quilomètres.