Era plataforma culturau francesa Storia Mundi aufric eth passat dia 26 de noveme ua conferéncia sus eth romanic dera Vall de Boí, Patrimòni Mondiau, damb era collaboracion deth Patronat de Torisme dera Deputacion de Lhèida e era Agéncia Catalana de Torisme a trauès deth Centre de Promocion Toristica de Catalonha en França.

Aguesta conferéncia, nomentada “Un exemple únic d’art romànic: les esglésies catalanes de la Vall de Boí”, auie coma finalitat promocionar e méter en valor era aufèrta toristica deth Pirinèu de Lhèida en mercat francés. Ena presentacion se parlèc des glèises romaniques dera Vall de Boí coma Patrimòni Mondiau, atau tanben parlèren dera aufèrta deth romanic en conjunt deth Pirenèu lheidatan. Tanben parlèren des hèstes des Halhes en Pirenèu, dera hèsta de Magràs en Solsona e dera aufèrta de natura que i a en Pirenèu de Lhèida damb er unic Parc Nacionau de Catalonha.

Aguesta accion de promocion, per miei dera plataforma culturau Storia Mundi, auie coma objectiu fomentar era destinacion toristica deth Pirenèu de Lhèida des d’ua enguarda culturau, e laguens d’un cicle de conferéncies en quau tanben se tractarà d’autes proposicions de Catalonha ath deuant d’un public interessat pera cultura e damb ganes de hèr gessudes e viatges.